+- انجمن های تخصصی فلش خور (http://www.flashkhor.com/forum)
+-- انجمن: علم، فرهنگ، هنر (http://www.flashkhor.com/forum/forumdisplay.php?fid=40)
+--- انجمن: ادبیات (http://www.flashkhor.com/forum/forumdisplay.php?fid=39)
+--- موضوع: اهنگ زشت و زیبای کریم مراغه ای (/showthread.php?tid=271733)
اهنگ زشت و زیبای کریم مراغه ای - م‍حمّد - 11-12-2018
وئرمیشم طاقت و آرامیمی ای یار سنه
عاشقم عاشقم ای دلبر عیار سنه
***
سوه رم بزم اولا خلوت قویاسان من ائلیم
دردیمی محنتیمی غصه می اظهار سنه
***
گزه رم کوچه و دربندی دالونجا سوخارام
پیچاقی قارنینا هر کس ائده آزار سنه
***
ایستی وقتینده سویونسان سالارام تئز ایچینه
کاسه نین بوز وئره رم شربت گلنار سنه
***
گل اوتور قوزا قیچون گییدیریم ای یار سنه
هرنه سویسن جوراب و چکمه و شلوار سنه
***
نیه آوجوندا سیخورسان ازیسن سیندیریسان
نیلیوب آخ بو یازیق قلب وفادار سنه
***
سن یخیل بالش ناز اوسته اوزان منده چالیم
ضرب و قارمان و کمانچه، ویلن، تار سنه
***
اگمه شاخ ساخلا یانوندا باخوب اوپ قوی گوزیوه
بو گوزل عکسی که مندن قالور آثار سنه
***
دوگمه سین آچ آرالا ساخلا قویوم اورتاسینا
آلمیشام ساک دولوسی،حیوا،لیمو،نار سنه
***
عیبی یوخ اینجیمه ویش ویش دئمه قوی تئز چیخادوم
سیخسا باشماق ایاقون اولسا اگر دار سنه
***
دوز بیر آز بندین آچوم تا وئریم الآن الیوه
چتریوی وئرمیه زحمت بو یاغیش قار سنه
***
گله سن باغدا وئرم بیر الیوه اویناداسان
قرمزی آلما ، شمامه ، گل بی خار سنه
***
ال ایاق چالما چالیشما نئجه دوتسان گئچه جاق
دئمه خاطر قویاجاق چرخ جفاکار سنه
***
احتراماً دایارام آغزیوا سنده سوراسان
سولی قلیانی کریمی دییر اشعار سنه